Имя для взрослого
Бадӟым муртлы ним
– Кин мон?
– Тон пичи кечпи.
– Аха. Нош эшшо кин на мон?
– Ммм, – малпаське анаез, – тон пичи кучапи.
– Аха, нош со сяна?
– Мон понна, окмоз. Тон сотэк но пуныпи но, кечпи но.
–Мон пуныпи но кечпи, нош мон со сяна но кин ке луыны кулэ на, кин ке юн-юн пичи, кин мон?
– Пичи... азьдагайкыйпи?
– Ӧвӧ-ӧ-ӧл.
– Пичи... пыльлэн пиез?
– Ӧвӧл, пыль – со туж лякыт.
– Соку мон уг тодӥськы.
– Нош тон малпа.
– Пичи... ӟазегпи?
– Бен. Нош эшшо мон пичи лег!
– Пичи лег– таиз уг ни тупа. Ойдо тон кин ке но бадӟымгес луод?
– Уг. Мон пичи. Мон пичи лег, кечпи но кучапи. Но пуныпи.
– Пуныпи но кучапи со одӥг.
– Ӧвӧл, ӧвӧл одӥг кадь.
– Ярам.
– Мар? Тырмоз? Анае, шуд монэным кӧня ке!
–Ми тонэныд сотэк но вань пӧйшуръёсты эскерим. Луэмед потэ-а парсьпи?
–Ачид тон парсьпи!
Тазьы милям йылпумъяськылэ вал котькуд ӝыт. Изён асьпалам анае котьку лыктылэ вал дорам чупаны, но ми озьы шудылӥм. Анае кулэ вал малпаны мыным пӧртэм ненег кылъёс. Нош мон соглаш луылӥ соосын яке ӧй. Озьы мыным лыкаськиз бадӟым гурезь пӧртэм нимъёс.
–Мон кельшисько – а пичи ӟозлы?
– Уд, ӟоз – со нымы-кибы, – шуиз анае.
–Мон но нымы-кибы!
–Мар тон сыӵе вераськиськод! –вожэз потылӥз анаелэн.
–Мон пичи ӟоз.
Со сяна мынам потэ на вал, мед монэ мукет адями нимъёсын вералозы шуыса: Петыр, Васьлей, Ванчо. Анае мыным пальпотылӥз, соку ми ӵош серекъяллям, но котьку вал туж умой. Но одӥг пол уродэз луиз .
Кылем сӥзьыл школаын лыдӟыськонъя дышетӥсьмы эскере вал ваньмы-а классын шуыса, ку со юаз Лапшин Петырез, мынам киы ачиз ӝутскиз.
– Тон Петыр Лапшин? – юаз со.
– Ӧвӧл. Мон Витя Федяшев.
Дышетӥсе туж паймыса вылам учкиз, нош мон кызьы валэктын но ӧй тод, монэ анае куддыр Петр шуэ шуыса.
Урок бырем бере дорам дышетӥсь лыктыса юаз, котьку-а монэ Петыр нимын вазьыло. Мон шуи, ӵемгес бен шуыса. Соку мынэсьтым со юаз, Олексан но-а монэ верало. Мон нош ик шуи – бен. Дышетӥсь ӧз но паймы но косӥз монэ веран вань нимъёсты, кыӵеосыныз монэ нимало. Кутски:
– Петыр, Ванчо, Костатин...
– Константин? –нош ик юаз дышетӥсь.
– Ӧвӧл. Костатин. Малы ке шуоно мынам туж паськытэсь лыосы.
Дышетӥсе сак учкиз синъёсам.
– Озьы эмъясь шуиз, – валэктӥ мон солы, медаз малпа, мон ачим малпаса верасько шуыса, – Озьыен...
Но со ӧз сёт мыным мачконме быдтыны, вераз, ваньзэ валаз шуыса.
Мукет нуналаз анаелы классысь дышетӥсе жингыртӥз. Мон уг тодӥськы, маар сярысь вераськӥзы соос, но валай, анае мылыкыдыз быриз. Изён азьпалам мемие нош ик лыктӥз дорам. Но азьло сямен ми ӧм ни шудэ, малы ке шуоно дорам пуксыкуз йыркуро шуиз, асьмез ум ни шудылэ шуыса.
– Малы?
– Озьы кулэ ӧвӧл. Тон озьы ноку но уд буд.
– Малы?
– Малы ке шуоно бадӟым мурт пиналлэсь пӧртэм луэ соин – тодэ, кин со.
–Мон валасько, кин мон! Мон трос кузя, мон пичи калык!
– Ӧвӧл. Тон ӧвӧл калык, тон пичи пи. Нимыд тынад Витя.
– Нош мынам уг пот, мед мынам сыӵе нимы луоз шуса.
– Мон номыр уг тодӥськы. Ӵуказе нуналысен нокыӵе нимъёсын шудонъёсын ум шудӥське! – анае берытскиз но ӧсэз усьтӥз.
–Озьыен туннэ асьмеос шудыны быгатом на?
Номыре вератэк мемие ӧсэз пытсаз.
Уйин одӥг синме но кынеме ӧз луы. Нокызьы но люкиськеме уг пот вал нимъёсыным. Соос лулоесь вал. Соос мынам люкетъёсы вал. Ванчо саксофонэн шудылӥз. Петр акварелен зерезь суредалляз. Костатин нюръяськонэн вырылӥз. Шуак йырам гениальной малпан лыктӥз – мыным аслым дышетсконо саксофонэн шудыны, суреданы но нюръяськыны.
Ӵукна мон ӝог бызи анай-атайлэн изённиязы но шарак верай:
– Меми, меми, мынам школае мынэме потэ, кытын суреданы дышето, крезьгуръем тӥрлыкъёсын шудыны но спортивной школае! Озьы мон вань нимъёсме одӥге герӟало.
Анае иземысьтыз кема ӧз быгат валаны, маар сярысь верасько шуыса. Собере валес вылэ пуксиз но йӧн0йӧн валэктӥз:
– Малпанэд туж умой, но мае ке но одӥгзэ быръёно луоз.
– Но анай, мон тыныд верасько уг, мон ваньмаз ветлыны кулэ, соку мыным нокыӵе мукет ним но кулэ уз ни лу.
– Нош мон тыныд верасько, бадӟым адямиос бырйыны кулэ. Тон уд быгат ваньзэ лэсьтыны но ваньмыныз луыны.
– Но кызьы мон быръём?
– Озьыен, кутско маар ке бордысен, нош собере адӟом.
Со нуналысен ар котыр ортчиз ни, нош мон кык нимын гинэ улыны вуи. Оскалтӥ суреданы, номыр но ӧз пӧрмы, но соберем он вала, Петр ӧвӧл шуыса. Собере нюръяськонэн вырыны кутски, нош мыным ӧз кельшы. Валай, Костатин но мыным уг тупа шуыса. Ӵуказе крезьгуро классэ мыно. Мон туж кышкасько, малы ке шуоно дуак мон Ванчо но ӧвӧл?
– Анай, нош мыным быдэс улон окмоз-а аслым ним бырыйны?
– Окмыны кулэ.
– Нош ӧз ке окмы, тон уд-а йыркуръяськы?
– Мон уг куатаськы, но тыныд окмоз быдэс улон. Нош табере изь..
– Анай, вить, мынам юаме потэ на вал.
– Мар сярысь?
– Нош тон уд йыркура?
– Уг.
– Мон кельшисько ук кырӟасьӟозлы?
– Кин мон?
– Тон пичи кечпи.
– Аха. Нош эшшо кин на мон?
– Ммм, – малпаське анаез, – тон пичи кучапи.
– Аха, нош со сяна?
– Мон понна, окмоз. Тон сотэк но пуныпи но, кечпи но.
–Мон пуныпи но кечпи, нош мон со сяна но кин ке луыны кулэ на, кин ке юн-юн пичи, кин мон?
– Пичи... азьдагайкыйпи?
– Ӧвӧ-ӧ-ӧл.
– Пичи... пыльлэн пиез?
– Ӧвӧл, пыль – со туж лякыт.
– Соку мон уг тодӥськы.
– Нош тон малпа.
– Пичи... ӟазегпи?
– Бен. Нош эшшо мон пичи лег!
– Пичи лег– таиз уг ни тупа. Ойдо тон кин ке но бадӟымгес луод?
– Уг. Мон пичи. Мон пичи лег, кечпи но кучапи. Но пуныпи.
– Пуныпи но кучапи со одӥг.
– Ӧвӧл, ӧвӧл одӥг кадь.
– Ярам.
– Мар? Тырмоз? Анае, шуд монэным кӧня ке!
–Ми тонэныд сотэк но вань пӧйшуръёсты эскерим. Луэмед потэ-а парсьпи?
–Ачид тон парсьпи!
Тазьы милям йылпумъяськылэ вал котькуд ӝыт. Изён асьпалам анае котьку лыктылэ вал дорам чупаны, но ми озьы шудылӥм. Анае кулэ вал малпаны мыным пӧртэм ненег кылъёс. Нош мон соглаш луылӥ соосын яке ӧй. Озьы мыным лыкаськиз бадӟым гурезь пӧртэм нимъёс.
–Мон кельшисько – а пичи ӟозлы?
– Уд, ӟоз – со нымы-кибы, – шуиз анае.
–Мон но нымы-кибы!
–Мар тон сыӵе вераськиськод! –вожэз потылӥз анаелэн.
–Мон пичи ӟоз.
Со сяна мынам потэ на вал, мед монэ мукет адями нимъёсын вералозы шуыса: Петыр, Васьлей, Ванчо. Анае мыным пальпотылӥз, соку ми ӵош серекъяллям, но котьку вал туж умой. Но одӥг пол уродэз луиз .
Кылем сӥзьыл школаын лыдӟыськонъя дышетӥсьмы эскере вал ваньмы-а классын шуыса, ку со юаз Лапшин Петырез, мынам киы ачиз ӝутскиз.
– Тон Петыр Лапшин? – юаз со.
– Ӧвӧл. Мон Витя Федяшев.
Дышетӥсе туж паймыса вылам учкиз, нош мон кызьы валэктын но ӧй тод, монэ анае куддыр Петр шуэ шуыса.
Урок бырем бере дорам дышетӥсь лыктыса юаз, котьку-а монэ Петыр нимын вазьыло. Мон шуи, ӵемгес бен шуыса. Соку мынэсьтым со юаз, Олексан но-а монэ верало. Мон нош ик шуи – бен. Дышетӥсь ӧз но паймы но косӥз монэ веран вань нимъёсты, кыӵеосыныз монэ нимало. Кутски:
– Петыр, Ванчо, Костатин...
– Константин? –нош ик юаз дышетӥсь.
– Ӧвӧл. Костатин. Малы ке шуоно мынам туж паськытэсь лыосы.
Дышетӥсе сак учкиз синъёсам.
– Озьы эмъясь шуиз, – валэктӥ мон солы, медаз малпа, мон ачим малпаса верасько шуыса, – Озьыен...
Но со ӧз сёт мыным мачконме быдтыны, вераз, ваньзэ валаз шуыса.
Мукет нуналаз анаелы классысь дышетӥсе жингыртӥз. Мон уг тодӥськы, маар сярысь вераськӥзы соос, но валай, анае мылыкыдыз быриз. Изён азьпалам мемие нош ик лыктӥз дорам. Но азьло сямен ми ӧм ни шудэ, малы ке шуоно дорам пуксыкуз йыркуро шуиз, асьмез ум ни шудылэ шуыса.
– Малы?
– Озьы кулэ ӧвӧл. Тон озьы ноку но уд буд.
– Малы?
– Малы ке шуоно бадӟым мурт пиналлэсь пӧртэм луэ соин – тодэ, кин со.
–Мон валасько, кин мон! Мон трос кузя, мон пичи калык!
– Ӧвӧл. Тон ӧвӧл калык, тон пичи пи. Нимыд тынад Витя.
– Нош мынам уг пот, мед мынам сыӵе нимы луоз шуса.
– Мон номыр уг тодӥськы. Ӵуказе нуналысен нокыӵе нимъёсын шудонъёсын ум шудӥське! – анае берытскиз но ӧсэз усьтӥз.
–Озьыен туннэ асьмеос шудыны быгатом на?
Номыре вератэк мемие ӧсэз пытсаз.
Уйин одӥг синме но кынеме ӧз луы. Нокызьы но люкиськеме уг пот вал нимъёсыным. Соос лулоесь вал. Соос мынам люкетъёсы вал. Ванчо саксофонэн шудылӥз. Петр акварелен зерезь суредалляз. Костатин нюръяськонэн вырылӥз. Шуак йырам гениальной малпан лыктӥз – мыным аслым дышетсконо саксофонэн шудыны, суреданы но нюръяськыны.
Ӵукна мон ӝог бызи анай-атайлэн изённиязы но шарак верай:
– Меми, меми, мынам школае мынэме потэ, кытын суреданы дышето, крезьгуръем тӥрлыкъёсын шудыны но спортивной школае! Озьы мон вань нимъёсме одӥге герӟало.
Анае иземысьтыз кема ӧз быгат валаны, маар сярысь верасько шуыса. Собере валес вылэ пуксиз но йӧн0йӧн валэктӥз:
– Малпанэд туж умой, но мае ке но одӥгзэ быръёно луоз.
– Но анай, мон тыныд верасько уг, мон ваньмаз ветлыны кулэ, соку мыным нокыӵе мукет ним но кулэ уз ни лу.
– Нош мон тыныд верасько, бадӟым адямиос бырйыны кулэ. Тон уд быгат ваньзэ лэсьтыны но ваньмыныз луыны.
– Но кызьы мон быръём?
– Озьыен, кутско маар ке бордысен, нош собере адӟом.
Со нуналысен ар котыр ортчиз ни, нош мон кык нимын гинэ улыны вуи. Оскалтӥ суреданы, номыр но ӧз пӧрмы, но соберем он вала, Петр ӧвӧл шуыса. Собере нюръяськонэн вырыны кутски, нош мыным ӧз кельшы. Валай, Костатин но мыным уг тупа шуыса. Ӵуказе крезьгуро классэ мыно. Мон туж кышкасько, малы ке шуоно дуак мон Ванчо но ӧвӧл?
– Анай, нош мыным быдэс улон окмоз-а аслым ним бырыйны?
– Окмыны кулэ.
– Нош ӧз ке окмы, тон уд-а йыркуръяськы?
– Мон уг куатаськы, но тыныд окмоз быдэс улон. Нош табере изь..
– Анай, вить, мынам юаме потэ на вал.
– Мар сярысь?
– Нош тон уд йыркура?
– Уг.
– Мон кельшисько ук кырӟасьӟозлы?
